නුඹ වරදකාරිය ????

නුඹ ප්‍රේමයට අරුත් සෙව් දින

දුර ඈත පියාඹා යා හැකි කල

ඔහු නුඹට කිව්වේ වෙද,

ප්‍රේමයනම්...අඳුරු කුටියක

 ජීවිතය දවා හැරුම බව... 

 නිමේෂයක සැනසුමට 

  ආත්මය ගිනිලෑම බව... 

  තටු සිඳුණු කිරිල්ලිය! 

  දැන් හඬා පල නැතිය... 

  නැගිටින්න දෙපයින්, 

  මගහැරුණ දුර යන්න... 

  පෙර ලෙසම බැරි වුනද, 

  නිල් අහස සිපගන්න... 

  මහපොලවවත් ඇතිය, 

  නුඹට යලි ඇවිදින්න... 

  නමුදු නුඹ සිත් තබාගනු අද!

  ගින්දරට පිලිස්සුන නුඹ හට.. 

  කණමැදිරි එලි වුවද සැර බවට...