කාන්තාරෙක ආදරය..

රිදවනවා තමයි.. ඒත්
හිරු එලිය තරම් ලඟින් 

හිටියේ කවුරුන්ද කතරට?

ඉඳහිට ඇවිත් යන 

පොද වැස්ස උනත් දවසක 

නවතින්නම ඒවියයි 

හිතුවත් වැඩක් වේවිද?

බලං උන්නත් මග  

සීත සුළං ඒ යැයි, ප්‍රාර්ථනා පුරවගෙන 

චණ්ඩ මාරුත හැර 

ආ කෙනෙක් නම් නැත... 

දකින උන් කොහොම කීවත් 

මල් පිපෙන්නේ නැහැ කතරක 

මේ රටා ඇන්දේ වැලි මත, 

චණ්ඩ මාරුතයි පෙර කල 

රන් පාට කෙරුවේ වැලි කැට, 

දැවෙන හිරු රැස්ය දහවල 

ඉඳින්...

ප්‍රේම කෙරුවම පුදුමය කිමද 

චණ්ඩ මාරුත වලට?... දැවෙන හිරු රැස් වලට?...
පොද වැස්ස... සීත සුළං අත හැර....